.

Azərbaycan Respublikasının Medianın İnkişafı Agentliyi (MEDİA) fərdi jurnalist müsabiqəsinin keçirilməsi barədə elan verib.
AFİA.AZ xəbər verir ki, müsabiqənin keçirilməsində məqsəd dövlət və cəmiyyət üçün prioritet təşkil edən məsələlərin həllində jurnalistlərin potensialından səmərəli istifadə olunmasını təmin etmək, onların peşəkarlığının və məsuliyyətinin artmasına, fərdi bacarıqlarının təkmilləşməsinə şərait yaratmaq, jurnalist tədqiqatlarının aparılmasını stimullaşdırmaqdır.
Müsabiqədə kütləvi informasiya vasitəsinin məlumat toplamaq, hazırlamaq, redaktə və istehsal etməklə məşğul olan ştatlı müxbirləri və kütləvi informasiya vasitəsinin məlumat toplanması, hazırlanması və redaktəsi ilə bağlı tapşırıqlarını müntəzəm yerinə yetirən ştatdankənar müxbirləri iştirak edə bilərlər.
Çap mediası və onlayn media subyektlərində işləyən jurnalist müsabiqə elan olunan günədək son 3 (üç) aylıq dövr ərzində dərc olunmuş hər hansı bir yazısını aşağıdakı nominasiyalardan yalnız biri üzrə müsabiqəyə təqdim edir:
- ən yaxşı reportaj;
-ən yaxşı ictimai-siyasi təhlil;
- ən yaxşı sosial-iqtisadi təhlil;
- ən yaxşı müsahibə;
- ən yaxşı mədəniyyət materialı;
- ən yaxşı idman reportajı və ya təhlili;
- ən yaxşı bədii publisistika;
- ən yaxşı köşə yazısı;
- ən yaxşı jurnalist araşdırması;
- ən yaxşı oçerk
Audiovizual media subyektində işləyən jurnalist müsabiqə elan olunan günədək son 3 (üç) aylıq dövr ərzində yayımlanmış və həcmi (xronometrajı) ən çoxu 5 (beş) dəqiqə olan süjetini aşağıdakı nominasiyalardan yalnız biri üzrə müsabiqəyə təqdim edir:
- ən yaxşı ictimai-siyasi reportaj;
- ən yaxşı iqtisadi reportaj;
- ən yaxşı sosial reportaj;
- ən yaxşı mədəniyyət reportajı;
- ən yaxşı idman reportajı
Çap mediası subyektlərində işləyən jurnalistlər yazının dərc olunduğu qəzetin səhifəsini, onlayn media subyektlərində işləyən jurnalistlər isə həmin yazının dərc olunduğu veb-səhifənin ekran görüntüsünü (skrinşotunu) təqdim etməlidirlər. Audiovizual media subyektində işləyən jurnalistlər süjetləri efirdən kəsilmiş formada (süjetlərin efirdə yayımlanmış loqotipli variantını) elektron daşıyıcıda təqdim etməlidirlər. Müsabiqəyə təqdim edilmiş materialın müsabiqə elan olunan günədək son 3 aylıq dövr ərzində dərc olunmadığı və ya yayımlanmadığı aşkarlandıqda iştirakçı müsabiqədən kənarlaşdırılacaq.
Müsabiqəyə müraciət edən jurnalistlərdən aşağıdakılar tələb olunur:
- Müsabiqəyə müraciət forması (bütün bəndləri doldurulmuş və imzalanmış olmalıdır) (əlavə olunur);
- şəxsiyyət vəsiqəsinin ön və arxa hissəsinin surəti;
- ştatlı müxbirlər tərəfindən etibarlı olan jurnalist vəsiqəsinin surəti, ştatdankənar müxbirlər tərəfindən isə iş yerindən fotoşəkilli arayış (imzalı və möhürlü);
- jurnalistin bank rekvizitlərini əks etdirən sənəd;
- müsabiqə elan olunan günədək son 3 aylıq dövr ərzində dərc olunmuş və ya yayımlanmış material.
Materialların qiymətləndirilməsi müstəqil ekspertlər – müvafiq sahədə zəngin bilik və təcrübəyə, ictimai nüfuza malik, Müsabiqənin nəticəsində marağı olmayan peşəkar şəxslər tərəfindən həyata keçiriləcək.
Eyni material üç fərqli ekspert tərəfindən fərdi qaydada aşağıdakı meyarların hər biri üzrə ən aşağı “0”, ən yüksək “20” bal olmaqla qiymətləndirilir və hər bir material barədə əsaslandırılmış yazılı rəylər verilir:
- materialın orijinallığı;
- materialın jurnalistikanın ümumi prinsiplərinə uyğunluğu;
- materialın üslubi keyfiyyətləri, dilin norma və qaydalarına əməl olunması;
- plagiat və ya emal olunmamış informasiyanın (copy-paste) həcmi;
- materialın maarifləndirici əhəmiyyəti.
Audiovizual məhsulların qiymətləndirilməsi zamanı oların texniki tərtibatı da nəzərə alınacaq. Ekspertlər tərəfindən materiallara verilən fərdi qiymətlər Agentlik tərəfindən ümumiləşdirilir. Ekspertlər tərəfindən materiallara verilən fərdi qiymətlər Agentlik tərəfindən ümumiləşdirilərkən bir neçə material eyni bal toplayarsa, ekspertlərin müvafiq yazılı rəyləri nəzərə alınacaq. Müsabiqənin nəticəsi barədə məlumat Agentliyin rəsmi internet səhifəsində yerləşdirilir.
Müsabiqənin yekununda müəyyən edilmiş nominasiyalar üzrə qaliblər müəyyənləşəcək. Qalib jurnalistlərin hər biri 700 (yeddi yüz) manat, operatorların hər biri isə 350 (üç yüz əlli) manat məbləğində pul mükafatı ilə mükafatlandırılacaq. Pul mükafatları qaliblərin bank hesablarına köçürüləcək.
20 İyun 2021 “Şuşada Azərbaycanla bərabər, Türkiyə bayrağı da dalğalanacaq” - Mövlud Çavuşoğlu
20 İyun 2021 “Azəriqaz” istənilən müzakirə üçün açıqdır – Ruslan Əliyev
19 İyun 2021 XARÜQƏLƏR YARADAN BİRLİK
19 İyun 2021 Ceyhun Bayramov Rumıniya və Qabonun xarici işlər nazirlərilə görüşüb
18 İyun 2021 Şuşa Bəyannaməsi ölkəmizdəki siyasi birliyi daha da möhkəmləndirəcək
18 İyun 2021 Tələbə təhsil kreditləri bu şəxslərə şamil olunmayacaq
15 İyun 2021 Rusiya bilir ki, hücum etsə, dünya savaşı başlayacaq
15 İyun 2021 Tarixi görüşdə diqqət çəkən detal - Foto
15 İyun 2021 Ərdoğan Azərbaycana gəldi
14 İyun 2021 Q.Paşayeva bir qrup ziyalı ilə görüşüb
13 İyun 2021 İki erməni “yolunu azaraq”, Azərbaycana keçib
13 İyun 2021 Q.Paşayeva Azərbaycan Milli Kulinariya Assosasiyasının Vətən Müharibəsində könüllü iştirak etmiş bir qrup aşpaz üzvü ilə görüşüb.
12 İyun 2021 “Sizi Tanıyaq ” layihəsi üzrə Milli Mükafatın sahibləri məlum olub.
12 İyun 2021 Q.Paşayeva qəhrəman şəhid gizirimiz Sübhan Abdurahmanlının anası ilə görüşüb
09 İyun 2021 "Metsamor AES-i partladarıq" - Erməni proqramlarında açıq TƏHDİD
09 İyun 2021 Lavrov: Zəngəzur dəhlizi Türkiyəsiz mümkün deyil
09 İyun 2021 Məhərrəmlə Siracın xatirəsi əbədiləşdirildi - Fotolar
09 İyun 2021 Q.Paşayeva Türkiyədən gəlmiş “Hədiyyə karvanı” heyəti ilə görüşüb
09 İyun 2021 Qənirə Paşayeva İƏT Parlament Assambleyasının II Ümumi Konfransında çıxış edib - FOTO
08 İyun 2021 ŞƏHİDLƏRİMİZİ ƏMƏLLƏRİMİZLƏ YAŞADAQ!
08 İyun 2021 Qənirə Paşayeva Tovuzda seçicilər, o cümlədən şəhid ailələri və qazilərlə görüşüb.
08 İyun 2021 MEDİA jurnalistlər üçün müsabiqə elan etdi - ŞƏRTLƏR
08 İyun 2021 Azərbaycanda şok! Sürücüsü icra başçısının illərlə yığdığı var-dövləti satıb qaçdı
06 İyun 2021 Bahar Muradova şəhid jurnalistlərlə bağlı xatirələrindən danışdı
05 İyun 2021 Ədliyyə nazirindən beynəlxalq təşkilatlara müraciət
05 İyun 2021 Kəmaləddin Heydərov jurnalisti hədələyən Araz Musayevi işdən çıxardı
05 İyun 2021 Hikmət Hacıyev jurnalistlərin minaya düşərək həlak olmasından yazdı - FOTO
04 İyun 2021 Türk Dünyası Araşdırmaları Simpoziumu başladı - Fotolar
03 İyun 2021 Ərzaq qiymətləri son 10 ilin ən yüksək həddinə çatdı
02 İyun 2021 MM-nın Mədəniyyət komitəsinin sədri Q.Paşayeva bir qrup ziyalı ilə görüşüb

Xəbər lenti