.

Əgər onlar bu şəhəri öz şəhəri hesab edirdilərsə, nə üçün belə bərbad vəziyyətə qoydular, nə üçün bütün binaları dağıtdılar? Görün, nə gündədir bu şəhər?! Daş üstə daş qalmayıb 30 il ərzində, ancaq özləri üçün villalar tikdiriblər, özləri üçün şərait yaradıblar.

Ardını oxu...

.

Rusiya sülhməramlıları Dağlıq Qarabağda fasiləsiz olaraq vəziyyətin monitorinqini aparır.
“Report” xəbər verir ki, bu barədə Rusiya Federasiyasının Müdafiə Nazirliyi məlumat yayıb.
"Rusiya sülhməramlılarının müşahidə postlarında fasiləsiz olaraq atəşin dayandırılması rejiminə riayət edilməsi üçün vəziyyətə nəzarət və monitorinq aparılır. Atəşin dayandırılması rejiminə bütün təmas xətti boyu riayət olunur", - xəbərdə deyilir.
Qeyd edilir ki, Rusiya hərbçiləri vətəndaşların Dağlıq Qarabağa təhlükəsiz qayıdışını təmin edir, humanitar yardım göstərir, mülki infrastruktur obyektləri bərpa edirlər.
Sülhməramlılar təlimlər zamanı mühafizə və müşahidə postlarının müdafiəsi üzrə bacarıqlarını təkmilləşdirirlər.
"Dağlıq Qarabağda Rusiya sülhməramlı kontingentinin müşahidə postları hərbi qulluqçuların atıcı silahlardan və qəlpələrdən müdafiəsi, həmçinin yaxınlıqdakı ərazilərin tam müşahidəsi üçün nəzərdə tutulmuş blokpost istehkam tikintiləri ilə təchiz edilib”, - deyə məlumatda bildirilir.
.

Azərbaycan Respublikasının Xarici İşlər Nazirliyi Ermənistan Respublikası Xarici İşlər Nazirliyinin 9 yanvar 2021-ci il tarixli bəyanatını tamamilə əsassız hesab edir və həmin bəyanatda yer alan iddiaları rədd edir.
Bu barədə AFİA.AZ-a Xarici İşlər Nazirliyindən bildirilib.

Ardını oxu...

.
"Ola bilsin ki, hansısa məcburi köçkün işğaldan azad edilən yerə qayıtmasın və bu da onun şəxsi seçimidir. Mövcud qanunvericiliyə uyğun olaraq təbii ki, onun məcburi köçkün statusu ləğv ediləcək. Bunun da nəticəsində məcburi köçkün və onlara bərabər tutulanlara şamil edilən imtiyazlar öz qüvvəsini itirmiş olacaq".
Bunu Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov Yeni TV-yə müsahibəsində deyib.
O qeyd edib ki, mövcud qanunvericiliyə məcburi köçkünlərlə bağlı dəyişikliyin edilməsi istisna deyil: "Buna zərurət yaranıb."
.

Ermənistan rəhbərliyinə məsləhət görürəm ki, qalib ölkənin qalib Prezidenti və onun Müzəffər Ordusuna qarşı diqqətli olsun. Ölkə başçısı Ermənistanın xarici işlər naziri Ara Ayvazyanın Azərbaycanın Qarabağ bölgəsinə səfərinə cavab olaraq İrəvana, əslində isə onun havadarlarına ciddi xəbərdarlıq etdi. Məncə, bu xəbərdarlıq gözardı edilməməlidir. Çünki axırıncı dəfə bunun nəticələrini bütün dünya gördü.
AFİA.AZ xəbər verir ki, bu sözləri Axar.az-a Qlobal və Regional Təhlükəsizlik Problemləri Mərkəzinin rəhbəri, politoloq Qabil Hüseynli Azərbaycan Respublikasının Prezidenti İlham Əliyevin yanvarın 6-da 2020-ci ilin yekunlarına həsr olunmuş videoformatda keçirilən müşavirədə Ermənistanın xarici işlər naziri Ara Ayvazyanın Azərbaycanın Qarabağ bölgəsinə, hələlik rus sülhməramlılarının nəzarəti altında olan Xankəndiyə səfəri haqda sözlərini şərh edərkən deyib.
O bildirib ki, Prezidentin xəbərdarlığının nəticəsi olacaq:
“Xatırlayırsınızsa, 44 günlük müharibəyə qədər Ermənistandan bir yox, bir neçə rəsmi şəxs, eləcə də Baş nazir Nikol Paşinyan Azərbaycan torpaqlarına qanunsuz səfərlər etmişdi. Hətta Nikol sərxoş halda Cıdır düzündə rəqs edib, sərsəm bəyanatlar da vermişdi. O vaxt ölkə başçısı təmkinli davranaraq düşməni xəbərdar etmiş, bu hallardan çəkindirməyə çalışmışdı. Lakin nəticəsi olmadı və Ali Baş Komandanın əmri ilə Ordumuz əks-hücum əməliyyatlarına başladı, 44 günlük müharibə bizim qələbəmizlə başa çatdı. Məhz bundan sonra ölkə başçısının məşhur “Noldu Paşinyan?” ifadəsi ortaya çıxdı.
Görünür, düşmən yaşadığı dəhşətdən dərs çıxarmayan, islaholunmaz bir avantüristdir. Ara Ayvazyanın Azərbaycanın Qarabağ bölgəsinə səfəri Ermənistanın müharibədən dərs çıxarmadığını göstərir. Təsadüfi deyil ki, ölkə başçısı “unutmasınlar ki, Dəmir Yumruq yerindədir” ifadəsini işlətdi. Yəni müharibə hər an yenidən başlaya bilər. Ermənistan artıq bizə bunun üçün real əsaslar verir. Azərbaycan Ordusu hələ də yüksək döyüş vəziyyətindədir. Bəs Ermənistan? O yeni bir müharibəyə hazırdırmı? Şübhəsiz, rəsmi İrəvanın havadarları yenə ona boş vədlər verir, ancaq real mənzərə ondan ibarətdir ki, bu gün Ermənistanda döyüşməyə adam qalmayıb. Lakin Azərbaycan da, onun qalib Ordusu da tam tərkibdə yeni bir müharibəyə hazırdır. Ali Baş Komandanın dediyi kimi, “Dəmir Yumruq yerindədir!”
.

Türkiyə Prezidenti Rəcəb Tayyib Ərdoğan Naxçıvan-İğdır qaz boru kəməri layihəsinin həyata keçirilməsi üçün lazımi tədbirlərin görülməsi barədə qərar verib.
AFİA.AZ xəbər verir ki, Modern.az-ın məlumatına görə, bu barədə qərar Türkiyənin “Rəsmi Qəzeti”ndə dərc edilib.
Xatırladaq ki, dekabrın 15-də Ankarada Azərbaycan Respublikasının Energetika Nazirliyi ilə Türkiyə Respublikasının Energetika və Təbii Sərvətlər Nazirliyi arasında Naxçıvan Muxtar Respublikasına təbii qazın tədarükünə dair Anlaşma Memorandumu imzalanıb. Sənədi Azərbaycan tərəfindən energetika naziri Pərviz Şahbazov, Türkiyə tərəfdən isə energetika və təbii sərvətlər naziri Fatih Dönməz imzalayıb.
Qeyd edək ki, Anlaşma Memorandumuna əsasən, bu sənəd Naxçıvanın təbii qazla təminatı üçün strateji əhəmiyyət daşıyır. Hər iki ölkənin şirkətlərinin – Azərbaycan Dövlət Neft Şirkəti (SOCAR) və BOTAŞ-ın təbii qazın tədarükü ilə bağlı texniki, ticari, inzibati, hüquqi və digər məsələlərdə əməkdaşlığına təminat verir. Türkiyədən Naxçıvana qaz tədarükü qaz təchizatını şaxələndirəcək və enerji təminatının etibarlılığını artıracaq. Naxçıvan həm İrandan, həm də Türkiyədən dəstək almaqla artan enerji tələbatını tam təmin edə biləcək.
İğdır-Naxçıvan qaz kəməri 500 min nəfər əhalisi və illik 500 milyon kubmetr təbii qaz tələbatı ilə Naxçıvana qaz nəql ediləcək. Boru kəmərinin İğdırdan Naxçıvana - Sədərək rayonuna qədər olan hissəsi 85 kilometr təşkil edəcək. Bu boru kəməri ilə illik 500 milyon, gündəlik olaraq isə 1,5 milyon kubmetr qaz nəql etmək həcminə malik olacaq ki, bununla da Naxçıvanın qaz tələbatı tamamilə ödəniləcək.
.

Yanvarın 6-da Azərbaycan Respublikasının Prezidenti İlham Əliyevin sədrliyi ilə 2020-ci ilin yekunlarına həsr olunmuş videoformatda müşavirə keçirilib.
AFİA.AZ xəbər verir ki, bu barədə Prezidentin mətbuat xidməti məlumat yayıb.
.
Azərbaycanın öz torpaqlarını işğaldan azad etməsindən və Ermənistan ordusunun ağır məğlubiyyətindən sonra ölkəsində xain elan edilən Baş nazir Nikol Paşinyan Yeni il mesajı yayımlayaraq, xalqa müraciət edib. O, Türkiyə məhsullarının ölkəyə idxalının altı ay qadağan edilməsi ilə bağlı açıqlamalar verib.
Bu barədə “Haber Global” məlumat yayıb.

Ardını oxu...

.
Fransa Ali Musiqi Akademiyasının direktoru, Azərbaycanın Əməkdar artisti, BMT-nin sülhməramlı səfiri Adilə Əliyeva dünya ictimaiyyətinə açıq məktubla müraciət edib.
Diasporla İş üzrə Dövlət Komitəsindən bildirilib ki, Fransada 30 ildir, yaşayan azərbaycanlı pianoçu deyib ki, hətta qlobal pandemiya belə Azərbaycan torpaqlarının qonşu Ermənistan tərəfindən işğal olunması ağrısını azaltmağa qadir deyildi: "30 illik işğal bir milyon qaçqının və müxtəlif milliyyətdən, dindən olan Azərbaycan əhalisinin – rusların, ermənilərin, yəhudilərin, ləzgilərin və başqalarının qan yaddaşında yer alan ali ədalətə inamını məhv edə bilməyib".
Müəllif ermənilərin XIX əsrdə Azərbaycan torpaqlarına köçürüldüyü, Ermənistanın bütün beynəlxalq normaları kobudcasına pozaraq Azərbaycan torpaqlarını işğal etdiyi, dəhşətli müharibə cinayətləri törətdiyi, Azərbaycan Prezidenti, Ali Baş Komandan İlham Əliyevin parlaq taktikası və qələbə strategiyası, ordumuzun qəhrəmancasına savaşması nəticəsində ölkəmizin Zəfər qazanaraq, BMT-nin 4 qətnaməsini təkbaşına yerinə yetirdiyi barədə ətraflı məlumat verib.  
BMT-nin sülhməramlı səfiri bildirib ki, 30 illik işğal ərzində Azərbaycanın mədəni irsinə böyük ziyan vurulub, tarixi və dini abidələri (həm müsəlman, həm də xristian) məhv edilib, dağıdılıb, təhqir edilib, islam və xristianlığın qanunları, şərəfi və qaydaları kobudcasına pozulub: "Ermənistan uzun illər ərzində Azərbaycanın tarixi və mədəni irsini mənimsəyirdi, hər xalqın tarixi-mədəni dəyərlərinin müdafiəsi haqqında UNESCO konvensiyasını pozurdu".
Tanınmış sənətkar digər ölkələrin mədəniyyət və incəsənət təmsilçilərini Azərbaycanın işğaldan azad olunmuş torpaqlarını ziyarət etməyə, erməni işğalçılarının törətdikləri dağıntıların dəhşətli miqyasını görməyə dəvət edib. Müsəlman Şərqində, məhz Azərbaycanda ilk demokratik respublikanın qurulduğunu, qadına səsvermə hüququnun verildiyini, ilk operanın, baletin, operettanın yarandığını xatırladan sənətkar bütün ölkələrin və xalqların sülhməramlı səfirlərini müstəqil dövlətimizin əldə etdiyi sülhün qorunması üçün öz töhfələrini bəxş etməyə çağırıb.Moderator.az
.
NATO daxilində "Çox Yüksək Hazırlıq Səviyyəli Birgə İşçi Qüvvəsi" nin komandanlığı Polşadan Türkiyəyə ötürülüb
AFİA.AZ xəbər verir ki, bu barədə "TRT Haber" məlumat yayıb
Bildirilir ki, 1 yanvar 2021-ci ildə başlayacaq missiya bir il davam edəcək.
Türkiyənin logistik və sursat planlamasında ən yüksək vahidlərdən biri olan xüsusi güc qrupu üçün NATO daxilində hərəkət etmə qabiliyyəti, əhəmiyyətli investisiyalara ehtiyac olduğu vurğulanıb.
Ən son zirehli texnika, tank əleyhinə raketlər və haubitsaların da ayrıldığı bildirilir.
Sözügedən birlik NATO müttəfiqlərini hər hansı bir təhdiddən qorumaq üçün sürətli hərəkət etməyə hazırdır.
Modern.az
 

Xəbər lenti